Өсвөрийн 18 хүртэлх насны хоккейн Ази, Номхон далайн орнуудын аварга шалгаруулах /ААШТ/ тэмцээн манай улсын мөсөн талбайд анх удаагаа зохион байгуулагдаж, гуравдугаар сарын 17-ны өдөр өндөрлөсөн билээ. Тус тэмцээнд Монгол, Иран, Тайланд, Туркменистан, АНЭУ, Узбекистан зэрэг зургаан орны баг тамирчид өрсөлдсөн бөгөөд Монголын баг хүрэл медалийн эзэн болжээ. Харин Узбекистаны баг таван хожлоор түрүүлж, тэмцээний алтан медалийн эзэн болсон бол Туркменистаны баг дөрвөнхожил, нэг ялагдлаар тэмцээний хоёрдугаар байрт орж мөнгөн медаль хүртсэн байна.
