Грек улсын Родес хотноо дөрөвдүгээр сарын 13-23-ны өдрүүдэд 2023 оны сурагчдын шатрын Дэлхийн Аварга Шалгаруулах Тэмцээн/ДАШТ/ болж өндөрлөлөө.
Тэмцээнд 53 орны 530 орчим тамирчин зургаан насны 12 ангилалд бүтээлч сэтгэлгээ, ур чадвараа сорин өрсөлдсөн бөгөөд Монгол Улсаас 30 тамирчин оролцов.
Улсаа төлөөлөн оролцсон тамирчид ДАШТ-ээс хоёр алт, гурван мөнгө, нэг хүрэл медаль хүртжээ. Ингэснээр дэлхийн хоёр шинэ аваргатай болж байна.
Тэмцээний дүн:
7 НАС:
Алтан медаль
- Ц.Гэрэлт-оюу /Их мастер академи/
11 НАС:
Алтан медаль
- Б.Буянхишиг /Стейниц академи/
9 НАС;
Мөнгөн медаль
- И.Цэлмүүн /Босоо ноён клуб/
13 НАС:
Мөнгөн медаль
- Г.Урангоо /Мончесс академи/
13 НАС:
Мөнгөн медаль
- Г.Тэнгүүндалай /Босоо ноён клуб/
13 НАС:
Хүрэл медаль
- Н.Содгэрэлт /Гэгээн арвай клуб/
Монгол Улсын багийн ахлагчийн үүргийг Олон улсын шатрын холбооны шүүгч Э.Номин гүйцэтгэсэн бол таван дасгалжуулагч тамирчдаа бэлтгэжээ.
