Заримдаа хичээл дээр нойр хүрээд, ганц хоёр цаг унтчихвал яг сайхан болох гээд байдаг ч бид хичээлээ хийхгүй байх сонголт үгүй билээ. Харин нойрмоглохгүйгээр үр дүнтэй, сонирхолтой арга барилд суралцах нь чамд илүү ашигтай юм. Хэрвээ чи энэхүү аргуудаас мэдэхийг хүсвэл нийтлэлтэй хамт байгаарай.
ӨРСӨЛДӨХ
Хэдийгээр үргэлж өрсөлдөж, сэтгэл санаагаа тайван бус байлгах нь төвөгтэй ч зөв хор шар чамайг илүү сайн өөрийгөө бүтээхэд тусалдаг. Тиймээс хичээл дээрээ залхуурах, нойр хүрэх үед хэн нэгнээс түрүүлж даалгавраа хийх, хамтрах, өрсөлдөж багшдаа дэвтрээ үзүүлэх гэж хичээгээрэй.
ЦАГ ХАРАХЫН ОРОНД ӨӨРИЙГӨӨ ЗАВГҮЙ БАЙЛГАХ
Байн байн цаг харж, тарахаа хүлээх нь цагийг бүр ч удаан өнгөрч байгаа мэт мэдрүүлж, нойр хүргэх болно. Харин үүний оронд багшийнхаа ярихыг сонс, ангийнхаа хүүхдүүдийг ажигла, тэмдэглэх зүйл байвал бичиж ав.
АЛЬ БОЛОХ УРАГШАА СУУДАЛД СУУХ
Нэгэнт л цаг хугацаагаа зориулаад ирсэн бол үүргээ ухамсарлан хичээлээсээ нэг ч болтугай мэдлэг олж авахыг хичээгээрэй. Харин нойр чинь хүрээд, залхуураад байвал багшийн нүдэнд тусах газар луу дөхөж өөрийгөө шахаад үз. Хэн ч багшийн нүдэн дээр унтаж чадахгүй гэдэгт итгэлтэй байна.
