Та үнэхээр хайрлаад байна уу, эсвэл донтоод байна уу

Зөвхөн хийжүүлсэн ундаа, архи, тамхи л танд дахин хүсэх мэдрэмжийг өгч донтуулдаг гэсэн үг биш юм. Гадуур зугаалах, дуртай амттанаа идэх, найзуудтайгаа хөгжилдөх гэх мэт таныг хөгжөөж, аз жаргалтай мэдрэмжийг төрүүлдэг тэр бүх зүйлс таныг донтуулах боломжтой. 

Донтолт нь хүний тархинд хоёр үе шаттайгаар явагддаг байна. Нэгдүгээрт, таатай мэдрэмж авах үед ялгарах аз жаргалын даавар нь тархины шагналын төвд хадгалагдан үлддэг. Хоёрдугаарт, таныг гуниглах, уйтгарлах, завтай байх үед шагналын төвд хадгалагдсан мэдээлэл дахин сэргэж тэр үйлдлийг дахин хийгээч гэсэн дохиог өгдөг. Тархинд мэдрэлийн эсүүд маш олон тоогоор байдаг бөгөөд сануулга ирэх бүрд тархин дах мэдрэлийн эсүүд хоорондоо холбоос үүсгэдэг. Энэ холбоос олон дахин холбогдож нягтаршсанаар донтолт үүсч эхэлдэг. 

Харин танд тэр хүн байхгүй л бол амьдарч чадахгүй мэт мэдрэмж төрж байсан уу. Харахгүй, уулзахгүй байвал яарч тэвдэж, сэтгэл санаа тань тавгүйрхээд байна уу. Түүнтэй байхдаа аз жаргалыг их хэмжээгээр мэдэрснээс үүдэн тархинд тэр хүнийг гэх холбоос үүсдэг. Энэ холбоос улам бат бэх болсоор мэдрэмж тань танаас тэр хүнийг нэхэж эхэлдэг гэсэн үг юм. Хэрэв ийм мэдрэмж авч байвал та хайрлах гэхээс илүүтэй донтож байна гэсэн үг ажээ. 

Донтолтоосоо гарахын тулд өөрийгөө жаргалтай болгох зүйлсийг олж, түүндээ илүү их цагийг зарцуулах хэрэгтэй. Олон өөр зүйлсээс аз жаргалыг мэдэрснээр та донтолтоосоо салах болон нэг зүйлд хэт туйлширч донтохгүй байх  боломжтой юм байна. 

Түгээх
СЭТГЭГДЭЛ ҮЛДЭЭХ

Leave a Reply

Your email address will not be published. Required fields are marked *