Хүнсний аюулгүй байдал нь хэрэглэгчдийг хоол хүнсээр дамжих өвчний эрсдэлээс хамгаалахад тусалдаг тул маш чухал зүйл. Энэ нь хэрэглэгчдийг харшил, тэр байтугай үхэл гэх мэт эрүүл мэндтэй холбоотой эрсдэлээс хамгаалахад тусалдаг. Тэгвэл дараах таван зарчмыг та заавал баримтлахыг хичээгээрэй.
1.Цэвэр байлга
Өвчин үүсгэгч бичил биетүүд бохирдсон гар, алчуур, хувцас, багаж, хэрэгсэл, хэрчих мод зэргээр дамжин хүнсийг бохирдуулдаг.
2.Болсон, түүхий хүнсийг тусгаарла
Түүхий мах, тэдгээрийн шүүсэнд агуулагддаг бичил биетүүд бэлтгэх, хадгалах явцад бусад хүнстэй холилдож, улмаар бохирдуулахаас сэргийлнэ.
3.Гүйцэд чана
Гүйцэд чанаж, болгосноор бүх аюултай бичил биетүүд устдаг. Хүнсийг 70С-аас багагүй хэмд чанаж, болгож хэрэглэх нь хамгийн аюулгүй байдаг.
4.Зохих хэмд хадгал
Бичил биетүүд 5С-аас 60С-д маш идэвхтэй үржиж, хороо ялгаруулдаг тул хоол, хүнсийг тасалгааны хэмд хадгалж болохгүй. Зарим бичил биетүүд хөргөгчний хэмд ч үрждэгийг анхаарах.
5.Аюулгүй ус, хүнс сонго
Хоол хүнсний орц, түүхий эд нь аюултай бичил биетэн, химийн бодисоор бохирлогдсон байж болох учир заавал угааж хэрэглэнэ.
