Таны үтрээ болон умайны өнгө нь арьсны тань өнгөтэй хамааралгүй юм. Цайвар арьстай бүсгүйчүүд бор эсвэл хөх ягаан өнгийн эрхтэнтэй байх нь элбэг. Үүнтэй адилхнаар, бараан арьстай бүсгүйчүүдийн эрхтэн нь ягаан, цайвар байж ч бас болдог. Түүнчлэн таны бэлгийн уруул бараан өнгөтэй мөртлөө, хярзан нь цайвар, өөрөөр хэлбэл алаг ч байж болдог. Тиймээс хэрэв та өөр өөр өнгөтэй байгаад нь санаа зовниж байсан бол энэ нь ямар нэг өвчин биш гэдгийг тэмдэглэхэд таатай байна.
Ихэнх тохиолдолд эмэгтэйчүүдийн сарын тэмдэг ирснээс хойш дааврын өөрчлөлттэй холбоотойгоор суга цавь, гадна бэлэг эрхтний өнгө өөрчлөгддөг.
Мөн жирэмслэлт, төрөлт бас нэг шалтгаан нь ба энэ нь бас л даавар гормоны өөрчлөлттэй холбоотой.Гэхдээ жирэмслэхээс өмнө буюу анх сарын тэмдэг ирснээс хойш бага багаар өнгө нь өөрчлөгдөж бараан болдог гэдгийг анхаарах хэрэгтэй.
Хэдийгээр та жирэмслэн төрж байгаагүй ч, мөн сарын тэмдэг ирээгүй байсан ч гэсэн дотуур хувцасны буруу сонголтоос үүдэн гадна бэлэг эрхтнийхээ гоо үзэмжийг тодорхой хувиар алддаг. Хөлрөх хөлсний булчирхай зэргээс болж мөн харладаг тул хөлрөхгүй даавуун дотуур хувцас сонгох нь эрүүл мэнд, гоо сайхан талаасаа ч танд нэн чухал хэрэгтэй байдаг аж.
