Монголын Үндэсний музей, “Цонжин болдог” Чингис хааны морьт цогцолбортой хамтран нүүдлийн мал аж ахуй, идээ ундааны сав суулгатай холбогдох үзмэрүүд болон Тайвань Улсын Үндэсний Ордон музейд хадгалагддаг Монголын эзэнт гүрний хаад, хатдын хөргийн 8 хуулбараас бүрдэх 308 ширхэг үзмэрийг дэглэн үзүүлэхээр бэлджээ.

Үзэсгэлэнгийн нээлт Цонжин болдог цогцолборт болох бөгөөд 2022 оны 11 дүгээр сарын тавны өдрөөс 2023 оны тавдугаар сарын 31-нийг хүртэл үргэлжлэх аж.