Олон улсын буриад үндэсний “Алтаргана-2026” наадам ирэх долдугаар сарын 1-5-нд ОХУ-ын Улаан-Үд хотноо болно.
Хоёр жил тутам зохион байгуулагддаг тус наадамд Монгол Улс, ОХУ, БНХАУ болон дэлхийн олон оронд амьдарч буй буриад иргэд оролцож, соёл уламжлал, үндэсний өвөө сурталчилдаг онцлогтой.
Энэ удаагийн “Алтаргана” наадмын хүрээнд буриад дуу, хөгжим, бүжиг, уран зохиол, кино урлаг, уран бичлэг, үндэсний хувцас загварын олон арга хэмжээ, уралдаан тэмцээн зохион байгуулагдана. Мөн “Дагина” гоо бүсгүй шалгаруулах тэмцээн болох аж.
Наадмын үеэр үндэсний бөх, сур харваа, шатар, хурдан морины уралдаан зэрэг уламжлалт спортын тэмцээнүүд болохоос гадна “Ёохорын шөнө” соёлын арга хэмжээ, уран бүтээлийн үзэсгэлэн, гэр хотхон ажиллана.
“Алтаргана” наадмыг анх 1994 онд эхлүүлсэн бөгөөд Буриад улс, Эрхүү муж, Өвөр Байгалийн хязгаар болон Монгол Улсад ээлжлэн зохион байгуулсаар иржээ. Хамгийн сүүлд буюу 2024 онд Монгол Улсын Булган аймагт болсон наадамд 50 мянга орчим хүн оролцсон.
