Боловсролын ерөнхий газрын Хөрөнгө оруулалтын хэрэгжилт, зохицуулалтын газрын дарга Ш.Алтангэрэлээр ахлуулсан Ажлын хэсэг орон нутагт ажиллаж, улсын төсвийн хөрөнгө оруулалтаар хэрэгжиж буй төсөл, арга хэмжээний ажлын явц, гүйцэтгэлтэй газар дээр нь танилцаж, холбогдох арга хэмжээг авч ажиллаж байна.
Ажлын хэсэг Өвөрхангай аймгийн ерөнхий боловсролын 1 дүгээр сургуулийн дотуур байранд “Эрдэнэт” ТӨҮГ-ын санхүүжилтээр хэрэгжсэн орчин үеийн стандартын шаардлага хангасан ариун цэврийн байгууламжтай танилцлаа.
Тус ариун цэврийн байгууламж нь төслийн 4 дүгээр ээлжид хэрэгжсэн бөгөөд ашиглалт хэвийн байна. Гүйцэтгэгчээр “Дуутын нуруу” ХХК ажиллаж, зураг төслийг “Хайдродизайн прожект” ХХК хийсэн байна.
Дотуур байрын орчин нөхцөл сайжирснаар нийт 100 хүүхдийн хүчин чадалтай дотуур байранд байрлах хүсэлт гаргасан хүүхдийн тоо 120-д хүрчээ.
