Нийслэл хотын 383 жилийн ойг угтсанаараа онцлогтой өнөөдрийн арга хэмжээг Цус сэлбэлт судлалын үндэсний төв, Монголын Улаан Загалмайн Нийгэмлэг, Хүүхэд залуучуудын хөдөлгөөн КЛУБ-25-тай хамтран зохион байгуулсан юм.
Энэ өдөр 100 буюу түүнээс дээш удаа цус, цусны бүрэлдэхүүн хэсгээ бэлэглэсэн Хүндэт донор П.Одмаа, Н.Алтантуяа, Р.Энхчимэг, П.Батболд нарыг Улаанбаатар хотын “Хүндэт тэмдэг”-ээр шагнажээ. Мөн Хүрэл донор Ч.Гантулга, С.Соддэлгэр, С.Хүрэлбаатар нарыг Улаанбаатар хотын “Нийслэлийн тэргүүний ажилтан” цол тэмдгээр, Хүндэт донор Б.Өнөрцэцэг, Н.Батцэрэн нарыг нийслэлийн Засаг дарга бөгөөд Улаанбаатар хотын Захирагчийн “Жуух бичиг”-ээр шагнаж алдаршууллаа.
Түүнчлэн 70-аас дээш удаа цус, цусны бүрэлдэхүүн бэлэглэсэн Хүндэт донор Э.Чимэдцэрэнг “Хүрэл донор”-оор, Д.Энхбаяр, Х.Даваасамбуу нарыг “Бахархал 50” тэмдгээр, цусны донор Х.Энхсүрэнг “Бахархал 30” тэмдгээр, “Бахархал 10” тэмдгээр Д.Алтан-Очир, Б.Жаргалмаа, Г.Очмаа нарыг шагнаж урамшуулжээ.