Томуу, томуу төст өвчин гэж юу вэ?
Томуу нь томуугийн вирусеэр үүсгэгддэг амьсгалын замын өвчин.
Томуу төст өвчин нь томуутай төстэй шинж тэмдгээр илэрдэг боловч ханиад, амьсгалын замын синцитиаль вирус (RSV), коронавирус зэрэг бусад вирусеэр үүсгэгддэг.
Ханиаж, найтаасан хүнтэй ойр байх үед тархана.
Хүүхэд бохир гараараа нүүр, хамар, амаа барснаас ч халдвар авах боломжтой.
Гол шинж тэмдэг:
Гэнэт халуурах, жихүүцэх
Амьсгаадах
Ханиах, хоолой өвдөх, хамраас шингэн нус гоожих
Толгой, булчин, үе мөч өвдөх, ядрах
Хүүхдэд заримдаа:
Бөөлжих
Хэвлий өвдөх
Суулгах
Хэрхэн сэргийлэх вэ?
Томуугийн эсрэг вакцинд хамрагдах.
Ханиахдаа, найтаахдаа амаа тохойн дотор талаар таглаж, цаасан алчуур хэрэглээд шууд хогийн саванд хаяна.
Гараа савантай усаар 20 секунд угаана.
Өвчтэй хүнтэй ойр хавьтахаас зайлсхийж, аяга, алчуур зэрэг хувийн эд зүйлсийг тусад нь хэрэглэнэ.
Өрөөг 2 цаг тутамд агааржуулна, хүн ихтэй, битүү газарт удаан байхгүй байх.
Хангалттай амарч, шим тэжээлтэй хооллон, цэвэр агаарт тогтмол гараарай.
