Манай humanz.mn сайт нь унших дадлыг дэмжих, олон нийтийн мэдлэгт нэмэр болох, уншиж бичих чадварыг хөгжүүлэх зорилгоор алдартай зохиолчдын бичсэн номын онцлох агуулгуудыг хүргэдэг билээ. Энэ удаа бид зохиолч Я.Арслангийн “Эрүүл урт наслах алтан судар” номыг сонголоо. Энэхүү бүтээл нь 2023 онд уншигчдын гарт хүрсэн бөгөөд сонирхолтой олон мэдээллийг багтаажээ. Тус номонд багтсан мэдээллээс уншигч танд хүргэе. Та бүхэн “Эрүүл урт наслах алтан судар” номыг Интерном дэлгүүрээс худалдан авах боломжтой.
Сүү тараг ахиухан уух юмуу цагаан идээ идэхэд тарган мяраалаг хүмүүс турж болно.
Изриалын эрдэмтэн Данит Шахарын судалгаанаас үзвэл насанд хүрсэн хүн өдөр бүр 350 грамм сүү уухад 6 сард 5,5 кг турж болох ажээ. 350 г сүүнд 580-600 мг кальц агуулагдана. Сүүнд ихээр байх D витамин жин хасахад бас чухал нөлөөтэй байна.
Судалгаанд 40-65 насны 300 гаруй тарган эр, эм хүмүүс оролцож тослог багатай, нүүрс-ус багатай хоолны зарчим баримталсан байна. Тэд тослог багатай сүү, шоколадтай сүү, тослог багатай тараг, шар, цагаан хатуу бяслаг зэрэг цагаан идээ идэж байв. Судлаачид мөн тэдний цусан дахь D витамины хэмжээ, биеийн жингийн индекс (ВМІ)-ийг тодорхойлж байжээ. Кальц ихтэй сүү, цагаан идээ идэж цусанд D витамины хэмжээг нэмэгдүүлэхэд жин сайтар хасаж болох нь судалгаанаас харагдлаа гэж дүгнэсэн байна.
Судалгааны эхэнд D витамины хэмжээ бага байсан хүмүүст уг витаминыг нэмэгдүүлэх арга хэмжээ авчээ. D витамин нэмэгдэхэд жин хасагдах нь ихэсч байв. D витамин бас нарны гэрлийн нөлөөгөөр биед үүсдэг. Түүнчлэн D витамин дутагдахад зүрхний өвчин, зарим хорт хавдрын асуудал үүсч болохыг сүүлийн үеийн судалгаанууд харуулсан билээ.
D витамин багасахад жин нэмэгдэж, D витамин ихсэхэд жин улам бүр хасагдах бололтой. Биеийн жинг зохицуулахад D витамин оролцдог гэдэгт улам итгэх болов гэж доктор Винсент Пера хэлжээ. Сүү бол D витамины ихээхэн эх үүсвэр болдог,
2005 оны Америкийн хоолны ерөнхий зөвлөмжинд өдөрт 3 аяга сүү уухыг зөвлөдөг. Эндээс үзсэн ч жин ихтэй хүмүүс сүү уух хэрэгтэй байна.
Сүү ашигтай
Канадын эрдэмтдийн судалгаанаас үзэхэд жин хасах дасгал хийсний дараа хоёр том аяга сүү уухад чихэртэй энергийн ундаа ууснаас хамаагүй илүү булчин нэмэгдэж өөх хасагдаж байв.
Тарган хүний элэг хурдан хөгширдөг
Жин ихтэй хүний элэг хурдан хөгширдөг байна. Тарган хүн элэгний хавдар, шижингээр илүүтэй өвддөг нь элэгний хөгшрөлттэй холбоотой байж болох талтай. Гэхдээ өндөр эрсдэлтэй өвчин бүрийг тэгж үзэж болохгүй ажээ. Нас, биеийн өндөр адил боловч 230 фунт (85,8 кг) жинтэй тарган, 130 фунт (48,5 кг) жинтэй туранхай хоёр хүний элгийг харьцуулж судлахад тарган хүний элэг 5 насаар хөгширсөн байжээ.
Эх сурвалж: “Эрүүл урт наслах алтан судар” ном
