Уэльсийн гүнж Дианагийн алдарт “өшөө авалтын даашинз”-ыг 29 жилийн дараа дахин дуудлага худалдаанд оруулахаар болжээ.
Грекийн дизайнер Кристина Стамболианы урласан мөр ил гаргасан хар торгон даашинзыг Диана гүнж 1994 оны зургаадугаар сарын 29-нд Лондонгийн Серпентайн галерейд болсон хандивын арга хэмжээнд өмссөн юм. Тэр орой тухайн үеийн ханхүү Чарльз гэр бүлээс гадуурх харилцаатай байснаа телевизийн ярилцлагаар хүлээн зөвшөөрсөн байдаг.
Олон нийт Дианагийн зоримог төрхийг хувцсаараа дамжуулан өөртөө итгэлтэй байдал, бие даасан байр сууриа илэрхийлсэн үйлдэл хэмээн тайлбарлаж, уг хувцсыг “өшөө авалтын даашинз” гэж нэрлэх болжээ.
Даашинзыг 2026 оны арванхоёрдугаар сарын 9-нд Нью-Йорк хотноо Sotheby’s ордны дуудлага худалдаагаар борлуулна. Үнийг 150–300 мянган ам.долларт хүрнэ гэж урьдчилан тооцоолжээ. Худалдаанаас олох орлогын тодорхой хэсгийг Шотландын Royal Edinburgh Hospital-ийг дэмждэг NHS Lothian Charity байгууллагад хандивлана.
Диана гүнж уг даашинзыг 1997 онд хорт хавдар болон ДОХ-ын эсрэг үйл ажиллагаанд хөрөнгө босгох хандивын дуудлага худалдаагаар анх зарсан бөгөөд Шотландын хос ойролцоогоор 64 мянган ам.доллароор худалдан авч байжээ. Дуудлага худалдаанаас өмнө даашинзыг Лондон, Хонконг, Женев, Нью-Йорк хотод олон нийтэд үзүүлнэ.
Эх сурвалж: The Guardian
