***
Зун ер нь миний дуртай улирал биш.
Шинэ улирал ирж байгаа нь
Зургаадугаар сард мэдэгддэггүй,
Шижигнээд сайхан бороо ч орохгүй…
Өдрөөс өдөрт халуун,
Өмнүүр хойгуур шувууд ч нисчихгүй…
Хэтэрхий хоосон…
Унгирал хийсэн энэ сар гэхдээ
Улиасанд л лав хаврын саруудаас дээр ээ.
Зулзаган моддын навч тийм ногоон,
Зулзаган муурын нүд шиг гэнэхэн,
Тийм гэгээн… шинэхэн…
Ийм шүүслэг ногоон навчсын үнэр дунд
Эхнэрийнхээ шүлгийг би анх уншиж билээ.
“Улаанбаатар” сонин,
Учиргүй танил, огт танихгүй охин…
Үгүй дээ, миний дургүй сар
Зургаан сар биш юм байна.
Долоон сар…
Г.АЮУРЗАНА “Миний дургүй сарууд” шүлгийн хэсгээс
