Тайландын нутаг дэвсгэрээс илэрсэн чулуужсан олдворт үндэслэн эрдэмтэд аварга биетэй, урт хүзүүтэй үлэг гүрвэлийн шинэ төрлийг тогтоожээ.
“Нагатитан” хэмээн нэрлэсэн уг үлэг гүрвэл нь одоогоор Зүүн Өмнөд Азиас илэрсэн хамгийн том үлэг гүрвэлд тооцогдож байна.
Судлаачдын мэдээлснээр, Нагатитан нь ойролцоогоор 27 тонн жинтэй буюу нас бие гүйцсэн есөн зааны нийт жинтэй тэнцэх хэмжээний аварга биетэй байжээ. Харин урт нь 27 метр хүрдэг байсан гэж үзэж байна.
Нагатитан нь урт хүзүүтэй, өвсөн тэжээлт сауропод төрлийн үлэг гүрвэлд хамаардаг аж.
Их Британи болон Тайландын хамтарсан судлаачдын баг Тайландын зүүн хойд бүсийн цөөрмийн орчмоос 10 гаруй жилийн өмнө илрүүлсэн чулуужсан олдворуудад үндэслэн энэхүү шинэ төрлийг тогтоожээ.
Ингэснээр Нагатитан нь Тайландын нутаг дэвсгэрээс илэрсэн 14 дэх үлэг гүрвэлийн төрөл болж байна.
