Сүүлийн жилүүдэд Z үеийнхэн хайр дурлалын харилцаагаа цахим орчинд нээлттэй зарлах нь эрс багассан талаар олон улсын судалгаанууд онцолж байна. Өмнө нь хосууд хамт авахуулсан зураг, бичлэгээ нийтэлж харилцаагаа албан ёсоор ил болгож байсан бол одоо залуус хамтрагчаа шууд харуулахгүйгээр далд байдлаар илэрхийлэх хандлага түгээмэл болжээ.
Судалгаанд оролцсон залуусын ихэнх нь харилцаагаа олонд ил болгосны дараа салбал:
– олон хүнд тайлбар хийх шаардлага үүсдэг,
– хамт байсан зураг, бичлэгээ устгах дарамттай болдог,
– бусдын шүүмжлэл, хов жив нэмэгддэг гэж үзсэн байна.
Судлаачдын үзэж буйгаар Z үеийнхэн хувийн орон зай, дотоод амар тайван байдлаа илүү чухалчлах болсонтой холбоотой аж. Тиймдээ ч өнөөдрийн залуус харилцаагаа олон нийтэд харуулахын оронд илүү тайван, хувийн орон зайндаа авч үлдэхийг илүүд үзэх болжээ.
