Зорьсон зорилгодоо хүрч, өсөн дэвжихийн тулд бид тодорхой сахилга баттай байж, ухаан санаа болон бие бялдарт эергээр нөлөөлөх зуршлуудыг амьдралынхаа хэв маягийн нэгэн хэсэг болгох хэрэгтэй байдаг. Тэгвэл ямар дадал зуршил бидэнд хэрэгтэйг энэхүү нийтлэлээс уншаарай.
Мөрөөдлөө санан, төсөөлөх
Сэрэнгүүтээ шууд л утсаа шүүрч авахын оронд өөрийн мөрөөдлүүдээ санах хэрэгтэй. Учир нь хүн мөрөөдөж байх үедээ үнэн хэрэгтээ далд ухамсраараа тэр өдөр анхаарлаа төвлөрүүлж байгаа зүйлээ эргэцүүлэн бодож, зөв шийдлийг боловсруулдаг байна. Энэ нь таны тархины эд эсийг сэргээж, ажил хийх эрч хүчийг бэлэглэх юм.
Нэг том аягаар ус уух
Бидний бие организм шөнийн цагаар сэргэж, энерги хуримтлуулахаас гадна шингэний алдагдалд орсон байдаг. Та өлөн ходоод дээрээ ус ууснаар дотор эрхтний үйл ажиллагаа хэвийн явагдаж эхлэх юм.
Ороо хураах
Ороо хурааж хэвших нь амжилтын бас нэгэн нууц юм. Хүн сахилга баттай байх нь маш чухал зүйл бөгөөд өглөө болгон ганц хоёр минутыг ороо хураахад зарцуулах нь таны бусад зүйлсэд хандах хандлагыг тодорхойлдог байна.
Цай бэлтгэж уух
Өөрийн дуртай өглөөний цайгаа тайван суугаад уух хэрэгтэй. Энэ танд гарцаагүй сайхан санагдана.
Тухайн өдрийнхөө хийх ажлын жагсаалтыг гаргах
Эхлээд өөрийн эрхэлдэг ажилтай холбоотой гурван хийх ёстой зүйлээ бичээд дараа нь хувийн чиглэлээр хийх гурван зүйлийн жагсаалтыг гаргах хэрэгтэй. Тэдгээр нь заавал маш том, хэцүү ажлууд байх шаардлагагүй юм. Гэсэн ч тухайн өдрөө заавал хийж амжуулах нь чухал гэдгийг санаж яваарай. Тэгснээр та зорилгодоо хүрч, сахилга баттай болох байна.
Ингээд л бүх зүйлсээ амжуулаад, төлөвлөөд гэрээсээ гарахад танд амжилт ойрхон байна.