Ус цаг уур, орчны судалгаа, мэдээллийн хүрээлэнгээс арав хоногт нэг удаа хийдэг хээрийн цасны хэмжилтийн мэдээгээр гуравдугаар сарын 31-ний байдлаар нийт нутгийн 15 хувьд цастай байна.
Үүнээс Увс (Баруунтуруун), Завхан (Нөмрөг, Баянтэс)-д 11-18 см зузаан, 0.11-0.24 г/см3 нягттай, Завхан (Баянхайрхан, Их-Уул, Тосонцэнгэл), Увс (Зүүнговь), Хөвсгөл (Рэнчинлхүмбэ, Тосонцэнгэл) 5-10 см зузаан, 0.11-0.25 г/см3 нягттай, бусад нутгаар 5 см-ээс бага байна. Ихэнх нутгаар өдөртөө агаарын температур 2-19 градус дулаан байснаас цасан бүрхүүл хайлж, цасны зузаан 10 см-ээр буурсан байна.
Өнгөрсөн арав хоногт агаарын температур ихэнх нутгаар дунджаас 1.1…5.9 градус дулаан, баруун аймгуудын зарим нутгаар дунджийн орчим, хур тунадасны хувьд нийт нутгаар дунджийн орчим буюу түүнээс бага орсон.
Эх сурвалж: Ус цаг уур, орчны судалгаа, мэдээллийн хүрээлэн Хөдөө аж ахуйн цаг уурын судалгааны хэлтэс
