Баянзүрх дүүргийн 14 дүгээр хорооны 640 хүүхдийн суудалтай сургуулийг улсын комисс хүлээн авлаа. Тус сургуулийн барилга нь нийт 5869 ам.метр талбай бүхий 39.9×16.0 метр, 22.5×15.8 метр, 33.9×16 метр хэмжээтэй гурван блок барилга бөгөөд 16 хичээлийн танхим, номын сан, багш нарын өрөө, эмчийн өрөө, гал тогоо болон бусад өрөөнөөс бүрджээ. Спорт заалны хоёр барилга нь тэнхлэгээрээ 30×18 метр болон 18×12 метр хэмжээтэй баригджээ.
Гадна тохижилтын ажлын хүрээнд явган хүний зам, авто зогсоол, гадна гэрэлтүүлэг, ногоон байгууламж болон бусад тохижилтын ажлыг бүрэн хийж гүйцэтгэлээ. Уг бүтээн байгуулалтын барилга угсралтын ажлыг “Цамхаг констракшн” ХХК гүйцэтгэж, захиалагчийн техникийн хяналтыг нийслэлийн Хөрөнгө оруулалтын газар хэрэгжүүлэн ажиллалаа.
НИЙСЛЭЛИЙН ХӨРӨНГӨ ОРУУЛАЛТЫН ГАЗАР ОНӨААТҮГ
