HBO MAX “Harry Potter” цувралын эхний улирлын албан ёсны тизерийг цацлаа.
Уг шинэ кино төсөл нь Warner Bros “Харри Поттер ба Үхлийн шүтээн” киног гаргаснаас хойш 14 жилийн дараа гаргаж буй J. K. Rowling-ийн зохиолуудаас сэдэвлэсэн шинэ хувилбар болж буй юм.
Rowling-ийн анхны ном болох “Харри Поттер ба Шидтэний чулуу”-д гардаг гол дүрүүдийг Warner Bros-ын кинонд тоглосон жүжигчдээс өөр шинэ жүжигчдийг HBO MAX сонгосон байна. Учир нь зохиол дахь дүрүүдийн насны онцлогт өмнөх кино жүжигчид тохиромжгүй тул ийнхүү шинэ дүрүүдийг сонгожээ. Кино танилцуулгыг Harry Potter цувралын жүжигчид Warner Bros-ын кинонд дүр бүтээсэн жүжигчидтэй зэрэгцүүлэн танилцуулж байгаа бөгөөд зарим дүрүүдийг одоогоор олон нийтэд танилцуулаагүй байна. Ийнхүү уг цувралын эхний улирлын нээлт энэ оны буюу 2026 оны Зул сарын баяраар болох ба “Harry Potter and the Philosopher’s Stone” нэртэйгээр гарах аж.
