Инээдмийн жүжигчин Jim Carrey нэгэн цагт Лос Анжелест машиндаа амьдардаг, санхүүгийн хүнд байдалтай залуу байсан гэдэг. 1987 онд тэрбээр Mulholland Drive дээр машинаа зогсоож, өөртөө “жүжигчний үйлчилгээний төлбөр” гэж бичсэн 10 сая ам.долларын чек бичиж, 10 жилийн дараах огноо тавин түрийвчиндээ хадгалжээ. Энэ нь түүний хувьд ирээдүйд амжилтад хүрнэ гэсэн өөрийгөө зоригжуулах бэлгэдэл байсан аж.
Удалгүй түүний карьер огцом өсөж, 1994 онд гарсан Ace Ventura: Pet Detective, The Mask, Dumb and Dumber зэрэг кинонууд асар их амжилт олсноор Carrey Холливудын хамгийн өндөр орлоготой жүжигчдийн нэг болжээ. Тэрээр удалгүй нэг кинонд 20 сая ам.долларын хөлс авсан анхны жүжигчин болсон юм.
Хожим аав нь нас барсны дараа Carrey тухайн үед бичиж хадгалсан 10 сая долларын чекийг авсанд нь хийж оршуулсан гэж ярьдаг бөгөөд энэ нь түүнийг хамгийн түрүүнд дэмжиж итгэж байсан хүнд зориулсан дурсгал болсон гэдэг.
