Олон улсын хорт хавдраас сэргийлэх, хянах холбооны санаачлагаар жил бүрийн хоёрдугаар сарын 4-ний өдрийг дэлхий нийтээр “Хавдрын асуудалд анхаарал хандуулах дэлхийн өдөр” болгон тэмдэглэдэг.
Манай улс уг холбооны санаачилсан Хорт хавдраас сэргийлэх, хянах тунхаглалын үзэл баримтлалыг дэмжиж, Хорт хавдрын асуудалд анхаарал хандуулах дэлхийн өдрийг 2007 оноос эхлэн тэмдэглэжээ.
Хавдар Судлалын Үндэсний Төвөөс “Хорт хавдар дийлдэшгүй зүйл биш” уриан дор энэ өдрийг тэмдэглэж байна.
Мөн энэ өдрийн угтан өнөөдөр 10:00 цагт ХСҮТ-ийн Нийгмийн эрүүл мэндийн мэдээллийн төвд “Хорт хавдартай тэмцэх дэлхийн өдөр”-ийг тэмдэглэн өнгөрүүлэх болон “Хавдрын эсрэг үндэсний аян 2015”-ын хамтын ажиллагааны гэрээнд гарын үсэг зурах ёслол болох юм байна.
Монгол Улсад хорт хавдар нь нас баралтын тэргүүлэх шалтгаануудын нэг хэвээр байна.
Өнгөрсөн 2024 онд 4755 хүн хорт хавдрын улмаас нас барж, нийт нас баралтын ойролцоогоор 1/5-ийг эзэлж байна.
Мөн 2024 онд 8 169 шинэ тохиолдол бүртгэгдэж, өмнөх оноос 13хувиар өссөн байна.
Үүнд:
Элэгний хорт хавдар
Ходоодны хорт хавдар
Уушгины хавдар
Улаан хоолойн хорт хавдар Умайн хүзүүний хорт хавдар хамгийн түгээмэл тохиолдож, ихэнх нь хожуу шатандаа оношлогдож байна.
Иймд ард иргэд та бүхэн
Жил бүр эрт илрүүлгийн үзлэг, шинжилгээнд хамрагдах
Элэгний В вирус, ХПВ-ийн эсрэг вакцинд хамрагдах
Архи, тамхины хэрэглээг хязгаарлах
Эрүүл, зөв хооллох
Биеийн идэвхтэй хөдөлгөөнтэй байх
Эрт илрүүлэг, эрүүл дадал эрүүл мэндийг хамгаална.