Nike болон SKIMS брэнд хамтран боловсруулсан шинэ цуглуулгаа танилцууллаа. Уг цуглуулгад хувцас, аксессуар болон Air Rift загварын таби кет багтсан бөгөөд NikeSKIMS брэндийн анхны бүрэн хэмжээний хувцаслалтыг танилцуулж байгаагаараа онцлог юм.
SKIMS-ийн үүсгэн байгуулагч, бүтээлч захирал Ким Кардашиан “Эмэгтэйлэг зөөлөн шугам, өнгөний сонголт, дээд зэрэглэлийн материал гээд бүх нарийн детальд бид онцгой анхаарал хандуулсан. Цуглуулгын бүтээл бүр эмэгтэйчүүдийг өөртөө итгэлтэй, уян хатан, чөлөөтэй хөдөлгөөн хийх боломжийг олгохоор бүтээгдсэн” хэмээн онцолжээ.
Шинэ цуглуулгын нээлтийн сурталчилгааны кампанит ажилд Blackpink хамтлагийн гишүүн ЛИСА оролцсон бөгөөд түүний бүжиг, хөдөлгөөний чадвар уг цуглуулгын гол үзэл санааг илэрхийлж байна.
ЛИСА “Тайзан дээр гарах үед надад сайхан харагдахын зэрэгцээ чөлөөтэй хөдөлж, бүжиглэх боломж хамгийн чухал байдаг. NikeSKIMS-ийн цуглуулга хөнгөн, эвтэйхэн учраас бэлтгэл хийх, аялах, гэртээ амрах зэрэг өдөр тутмын бүхий л нөхцөлд тохиромжтой” хэмээн сэтгэгдлээ хуваалцжээ.
