Монгол Улсын урт хугацааны хөгжлийн бодлого, Монгол улсыг хөгжүүлэх таван жилийн үндсэн чиглэл мөн Засгийн газрын 2024-2028 оны үйл ажиллагааны хөтөлбөр, төлөвлөлтийн баримт бичигт төрийн байгууллагын үйл ажиллагааг олон улсын стандартад нийцүүлэх зорилтын дагуу Гаалийн байгууллага 2025-2028 оны стратеги төлөвлөгөөндөө олон улсын стандартыг хэрэгжүүлнэ гэж тусгасан.
Энэхүү стратеги төлөвлөгөөний хүрээнд гаалийн байгууллага үйл ажиллагаандаа ISO 9001:2015 “Чанарын менежментийн тогтолцоо”, ISO 27001:2022 “Мэдээллийн аюулгүй байдлын менежментийн тогтолцоо” олон улсын стандартыг нэвтрүүлж, баталгаажуулалтын гэрчилгээгээ гардан авлаа.
Олон улсын стандарт хэрэгжүүлэх ажил өнгөрсөн оны зургаадугаар сараас эхэлж, үе шаттайгаар хэрэгжсэн бөгөөд “Менежмент ба ур чадварын хүрээлэн” ТББ зөвлөх үйлчилгээг үзүүлж, “Глобал Куалити” ХХК магадлах аудитын үйл ажиллагааг тус тус хийж гүйцэтгэсэн юм. Ийнхүү олон улсын стандартын баталгаажуулалт хийгдсэн гэрчилгээг 01 дүгээр сарын 26-ны өдөр Гаалийн ерөнхий газрын дарга П.Дэлгэрнаранд гардууллаа.
Энэ онд Гаалийн байгууллага үйл ажиллагаандаа ISO 37001:2025 буюу Авлигын эсрэг менежментийн тогтолцооны стандартыг нэвтрүүлэх зорилтыг дэвшүүлэн ажиллаж байна.