Nike брэндийн алдарт “Just Do It” уриа үг нь 1977 онд АНУ-д цаазын ял авсан гэмт хэрэгтэн Гэри Гилморын сүүлчийн хэлсэн үг болох “Let’s do it” өгүүлбэрээс сэдэвлэжээ. 1988 онд Nike-ийн сурталчилгааны агентлаг уриа үг боловсруулах явцдаа энэ өгүүлбэрийг богиносгож, илүү ерөнхий, урам зориг өгөх хэлбэрт оруулснаар “Just Do It” хэмээх уриа үг төржээ. Улмаар энэхүү уриа үг нь тамирчин болон тамирчин биш хүмүүсийг саад бэрхшээлтэй тууштай тэмцэж, айдсаа даван туулах гэсэн утгыг илэрхийлж, Nike-ийг дэлхийн хамгийн том брэндүүдийн нэг болгоход чухал нөлөө үзүүлсэн аж.
