2025 онд нийслэлийн шуурхай удирдлагын алба (11310005), нийслэлийн Байгаль орчны газрын (72720303) тусгай дугаарт утсаар болон иргэдээс суурьшлын бүсэд идэш тэжээл хайсан, гэмтэж бэртсэн болон бусад байдлаар орж ирсэн амьтны 205 удаагийн ирсэн дуудлагаар 29 зүйлийн 215 бодгаль ховор болон элбэг тархацтай зэрлэг амьтдад шаардлагатай арга хэмжээ авч 36 амьтныг асран тэнхрүүлж 17 амьтан эмчилгээ авах боломжгүй хорогдож, 188 бодгаль амьтныг байгальд эргүүлэн тавьж хамгаалав.
Үүнээс төрлөөр ангилбал:
- Мөлхөгч амьтад 3 зүйлийн 122 байгаагаас 99 нь бамбай хоншоорт могой байна.
- Хөхтөн амьтад 11 зүйлийн 47
- Жигүүртэн амьтад -15 зүйлийн зүйлийн 28 (13 ангаахай дэгдээхэй),
- Шавж 2 зүйлийн 7 бүл
Авран хамгаалсан амьтдаас Халиун буга, бор гөрөөс, нүүдлийн шувууд мөлхөгч амьтад (могой) илүүтэй бэртэж гэмтэх, эндэх нь их байна.
Санамж: Нийслэл Улаанбаатар хотын ногоон бүсийн зусланд газар эзэмшиж, ашиглаж буй иргэн, хуулийн этгээд нь UCS03048:2025 “Улаанбаатар хотын зуслангийн бүс, улсын тусгай хамгаалалттай газар нутгийн зэрлэг амьтдад ээлтэй хашаанд тавих ерөнхий шаардлага” хотын стандартад нийцсэнээс бусад төрлийн хайс, хашаа барихыг өмчийн хэлбэр үл харгалзан нийтээр дагаж мөрдөх.
Сэрэмжлүүлэг: Могой нь авто зогсоол, сургууль цэцэрлэг, ногоон байгууламж, албан газар, айл өрхийн эзэмшлийн хашаа гм олон газраас олдож байгаа бөгөөд мөн таны тээврийн хэрэгслийн дугуй, доод эд анги, дулаан бүхий хэсгүүдэд орох магадлалтай тул сайтар шалгаж, болгоомжтой байхыг анхааруулж байна.
