УИХ-ын гишүүн О.Номинчимэг Төрийн өмчийн хувьчлалын асуудалд дараах байр суурийг илэрхийллээ.
О.Номинчимэг: Эдийн засаг дахь төрийн оролцоог бууруулж, хувийн хэвшлийн орон зайг нэмэгдүүлэх санаа бол маш зөв. Гэхдээ шийдэл нь залхуу байж болохгүй.
“Өмч хувьчлал, хувьцаа олон нийтэд нээлттэй санал болгох ажил амжилттай болох урьтал нөхцөл болох:
Монополийн эсрэг хууль тогтоомж сул, шударга өрсөлдөөн байхгүй бол төрийн монополиос хувийн монополь руу шилждэг. Ингэвэл одооныхоос бүр дор нөхцөл байдал очих үр дагавартай.
Тиймээс өрсөлдөөний тухай хууль эрх зүйн орчин, хэрэгжилтийг сайжруулах асуудалд анхаарах хэрэгтэй.
Хөрөнгийн зах зээлийн дэд бүтцийн багтаамж, бэлэн байдалд анхаарах. Тэр дундаа мэргэжлийн хөрөнгө оруулагчид байхгүй нөхцөлд баялагийн тэгш бус хуваарилалт ихсэнэ.
Хувьчилах төрийн өмч дээр хөрөнгийн үнэлгээг мэргэжлийн, хөндлөнгийн байгууллагаар маш сайн хийх ёстой. Тэгж чадахгүй бол төрийн өмчийг үнэгүйдүүлж, хямдруулах авах нөхцөл бүрдэнэ”.