Суралцагчдыг ая тухтай орчинд боловсрол эзэмшүүлэх, багш ажилтнуудын ажиллах орчин нөхцөлийг сайжруулах зорилгоор Баянзүрх дүүргийн 27, 14 дүгээр хороодод дараах ажлуудыг хийжээ. Үүнд:
- Баянзүрх дүүргийн 27 дугаар хорооны нутаг дэвсгэрт байрлах 45 дугаар цэцэрлэгийн 760 м.кв талбай бүхий фасад засвар;
- Баянзүрх дүүргийн 14 дүгээр хорооны нутаг дэвсгэрт байрлах 268 дугаар цэцэрлэгийн 491.0 м.кв талбай бүхий дээвэр, 760.0 м.кв талбай бүхий фасад засварын ажлыг тус тус хийж, улсын комисс хүлээн авлаа.
Тус ажлыг нийслэлийн төсвийн хөрөнгө оруулалтаар Шонхор констракшн ХХК хийж гүйцэтгэж, нийслэлийн Хөрөнгө оруулалтын газар захиалагчийн техникийн хяналтыг хэрэгжүүлэн ажиллалаа.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
