ОХУ-ын ерөнхийлөгч Владимир Путин Хойд Солонгосын ерөнхийлөгч Ким Жон Унтай хийсэн ховор уулзалтын үеэр Москва Украин хоорондын дайнд зэвсгийн хэрэгцээ шаардлагаас үүдэлтэй түншлэлийн шинэ стратегийг тохиролцсон. Тэгвэл тэрбээр энэ уулзалтын дараахан буюу зургаадугаар сарын 20-нд Вьетнамын нийслэл Ханой хотод хүрэлцэн ирээд байна.
Барууныхны хувьд “шоовдорлогдсон хүн” болсон Путин найрсаг орнуудтай эдийн засгийн харилцаагаа хөгжүүлж, барууны тусгаарлалт түүнд ямар ч нөлөө үзүүлэхгүй гэдгийг харуулахыг зорьж байна.
Коммунист удирдлагатай Вьетнам нь эвсэлд үл нэгдэх гадаад бодлого, Москватай түүхэн нягт холбоотой байдлаараа Путиний хувьд зүй ёсны сонголт мэт харагдана. Тэгээд ч АНУ, Хятад, Оросын удирдагчдыг Вьетнам шиг сүр дуулиан болгон амжилттай хүлээн авах улс цөөн.
Путины Вьетнамд хийсэн хоёр өдрийн айлчлал нь АНУ-ыг шаналгаж, төрийн хэвлэлийн төлөөлөгч “Ямар ч улс Путинд түрэмгийллийн дайныг нь сурталчлах орон зай гаргаж өгөх бүр түүний харгис хэрцгий үйлдлүүдийг хэвийн мэт хүлээн зөвшөөрөх ч ёсгүй” хэмээн мэдэгджээ.
Эх сурвалж – https://edition.cnn.com/2024/06/19/asia/vietnam-russia-putin-visit-intl-hnk/index.html
Бэлтгэсэн дадлагажигч оюутан Э.Номин