Уур амьсгалын өөрчлөлтийн эсрэг тэмцэлд тэргүүн эгнээнд явдаг Билл Гэйтс “дэлхийн сүйрэл ирж байна” гэх идэвхтнүүдийн үзэлтэй санал зөрж, уур амьсгалын өөрчлөлттэй тэмцэхэд чиглэсэн хөрөнгө, нөөцийг бусад салбарт шилжүүлэх ёстой гэж мэдэгдсэн нийтлэлээ мягмар гарагт нийтэлжээ.
Гэйтсийн үзэж буйгаар, дэлхийн буяны байгууллагууд өвчин, өлсгөлөнгөөс урьдчилан сэргийлэх чиглэлд хөрөнгө оруулалтаа нэмэгдүүлэх нь илүү чухал байна. Тэрээр “уур амьсгалын өөрчлөлт хүн төрөлхтнийг бүрмөсөн устгахгүй” гэж мэдэгдээд, хүлэмжийн хийн ялгарлыг тэглэхийн төлөө хийсэн өнгөрсөн үеийн хүчин чармайлт жинтэй ахиц дэвшил авчирсан гэж онцолжээ. Гэвч Гэйтсийн үзэж буйгаар, уур амьсгалын эсрэг зарцуулсан хөрөнгийн нэг хэсэг буруу чиглэлд, өндөр өртөгтэй, эргэлзээтэй төслүүдэд орсон байна.
Гэйтс уур амьсгалын өөрчлөлттэй тэмцэх хөрөнгө оруулалтыг бүрмөсөн зогсоох ёсгүй гэж хэлсэн ч, АНУ-ын тусламжийн агентлаг (USAID)-ийн төсвийг бууруулсан Дональд Трампын шийдвэр нь илүү яаралтай асуудлууд болох өлсгөлөн, урьдчилан сэргийлэх боломжтой халдварт өвчнүүдийн эсрэг тэмцэлд хохирол учруулж байна гэж анхааруулжээ. “Уур амьсгалын өөрчлөлт, өвчин, ядуурал бүгд том асуудал.
Бид эдгээрийг хүний зовлонгийн хэмжээнд нь харгалзан шийдэх ёстой,” гэж Гэйтс бичжээ. Гэйтс, уур амьсгалын өөрчлөлт ноцтой үр дагавартай нь үнэн, ялангуяа ядуу орнуудад. Гэхдээ энэ нь хүн төрөлхтнийг мөхөлд хүргэхгүй гэсэн байна. “Одоо бид температурын өөрчлөлтөөс илүү чухал хэмжүүрт анхаарах цаг ирсэн энэ бол хүний амьдралыг сайжруулах. Манай гол зорилго бол зовлон шаналлыг багасгах явдал байх ёстой, тэр дундаа дэлхийн хамгийн хүнд нөхцөлд амьдарч буй хүмүүсийнхийг” гэсэн юм.
Эх сурвалж: CNN news
