Гэрийн нөхцөлд гарын доорх материалаар хөмсөг найдвартай ургуулах, хурдан үр дүнгээ харуулах шалгарсан аргуудыг хуваалцъя.
1. Вазелин
Айл бүрт байдаг ч яг юунд хэргэлдгийг манайхан сайн мэддэггүй. Вазелин үнэ хямд хэрнээ хөмсөг ургуулах хамгийн сайн бүтээгдэхүүн юм. Орой бүр нүүрээ цэвэрлэсний дараа вазелинийг хөмсгөндөө түрхээд хоноорой. Хөмсөг бүдүүн ширхэгтэй өтгөн ургадаг. Хамгийн гол нь тууштай байгаарай.
2. Сонгино
Сонгиноо арилган шүүсийг нь шахаж, хөмсгөндөө түрхэнэ эсвэл хөмсөгний багсаараа хэлбэр гарган түрхэнэ. Сонгино өөртөө хүхэр их хэмжээгээр агуулдаг учир ургалтыг сайн дэмждэг. (Нүдлүү орохоос болгоомжил, мөн хэт удаавал арьс түлэгдэх аюултай)
3. Лимон
Лимон нь С болон В витаминаар баялаг. Тиймээс хөмсөгний ургалтад хэрэгтэй бүхий л амин дэмийг өөртөө шингээсэн байна. Лимоны шүүсийг хөмсгөндөө түрхэж, 15-20 минут болгосны дараа бүлээн усаар зайлах хэрэгтэй. Мөн нэг зүсэм лимоны шүүсэнд ¼ халбага кокосны тос нэмээд, үдэш унтахынхаа өмнө хөвөнд шингээгээд арчиж байвал үр дүнгээ түргэн өгдөг байна. Бэлдсэн уусмалаа харанхуй, сэрүүн газар тавих хэрэгтэй.
4. Сормуусаа самнах
Витамин Е болон багахан оливийн тосыг шингээн, сормуусаа зориулалтын сойзон багсаар самнаж байх нь чухал. Мөн дууссан сормуусны будагны саванд Е витамин, вазелин, оливийн тосны аль нэгээс хийж, өдөр тутамдаа түрхэж, сайтар самнаж байгаарай.
5. Ногоон цай
Ногоон цай нь сормуусыг өтгөн, урт ургуулахад тустай байдаг. Тиймээс хөвөнд багаханыг шингээж, сормуусаа арчих хэрэгтэй. 15 минут байлгасны дараа хүйтэн усаар угаагаарай. Долоо хоногт 3-4 удаа хийх боломжтой.
6. Зуун настын шүүс
Зуун настын шүүс нь хөмсөг, арьсанд гүн чийгшил өгч, ургалтыг түргэсгэдэг. Мөн хөмсгийг маш зөөлөн, торгомсог болгоно. Цэвэр зуун настын шүүсийг хөмсгөндөө түрхээд 30 минут байлгаад бүлээн усаар угаах хэрэгтэй. Мөн зуун настын шүүсэнд ½ халбага зөгийн бал, эсвэл кокосны тос нэмж, хөмсгөндөө түрхээд 30 минут байлгасны дараа хүйтэн бүлээн усаар угаах хэрэгтэй.
