Дэлхийн хамгийн баян хүн Илон Маск Grokipedia нэртэй, Wikipedia-г орлох өөрийн мэдээллийн платформыг албан ёсоор нээлээ. Энэхүү платформ нь Маскийн Grok AI-ээр бичсэн нийтлэлүүдтэй бөгөөд Wikipedia-гийн минималист загвар, хуудасны бүтэц, иш таталтын хэв маягийг дуурайсан байна.
Grokipedia нь одоогоор Wikipedia-аас хэд дахин жижиг бөгөөд Wikipedia-д 7 сая гаруй нийтлэл байдаг бол Grokipedia-д 800 мянга гаруй нийтлэл бий. Wikipedia-д хэн ч нийтлэл бичиж, засварлаж болдог бол Grokipedia-д хүний оролцоо хэр зэрэг байгаа нь одоогоор тодорхойгүй байна.
Маск X платформ дээрээ бичихдээ “Grok болон Grokipedia.com-ын зорилго бол үнэнийг хэлэх явдал. Бид хэзээ ч төгс байж чадахгүй, гэхдээ энэ зорилгодоо тэмүүлэх болно” гэжээ. Мөн ирээдүйд Grokipedia-г сансарт сар болон Марс дээр хадгалахыг хүсч буйгаа нэмжээ.
Маск урт хугацааны турш Wikipedia-г “баруун талын бодлоготой либерал үзэлтүүд хянадаг” гэж шүүмжилдэг байсан бол conservatives хэсэг Wikipedia-г зөвхөн либерал үзэлтүүдийн нөлөөнд автсан гэж үздэг.Wikipedia VS Grokipedia ЖИШЭЭНҮҮД
Илон Маскийн нийтлэл: Wikipedia: Маск нь “хэтэрхий маргаантай дүр” ба “COVID-19-ийн буруу мэдээлэл түгээсэн, гүжирдсэн, үзэл бодол нь цөөнгүй шүүмжлэл дагуулсан” гэжээ.
Grokipedia: Маск “технологийн дэвшил, хүн амын бууралт, институцийн талцлыг нөлөөлсөн” гэжээ. Twitter-ийг худалдан авснаас хойш “контент хянах шинэчлэлийг тэргүүлсэн” гэж дурдсан ба эх сурвалж болгон Forbes-д дурдсан тэрбумтнуудын жагсаалтыг иш татжээ.
Жорж Флойдын нийтлэл:
Wikipedia: “Цагаан арьст цагдаагийн гарт амиа алдсан Америкийн эрэгтэй.”
Grokipedia: Флойд нь “гар зэвсэгтэй дээрэм, мансууруулах бодис, хулгай зэрэг олон гэмт хэрэгт холбогдсон” гэж эхлүүлдэг. Мөн нас барах үеийн биед байсан мансууруулах бодисыг онцолдог.
