Манай humanz.mn сайт нь унших дадлыг дэмжих, олон нийтийн мэдлэгт нэмэр болох, уншиж бичих чадварыг хөгжүүлэх зорилгоор алдартай зохиолчдын бичсэн номын онцлох агуулгуудыг хүргэдэг билээ. Энэ удаа бид зохиолч Я.Арслангийн “Эрүүл урт наслах алтан судар” номыг сонголоо. Энэхүү бүтээл нь 2023 онд уншигчдын гарт хүрсэн бөгөөд сонирхолтой олон мэдээллийг багтаажээ. Тус номонд багтсан мэдээллээс уншигч танд хүргэе. Та бүхэн “Эрүүл урт наслах алтан судар” номыг Интерном дэлгүүрээс худалдан авах боломжтой.
Нойрмог хүүхдийн ааш муу
Шилжилтийн насны ихэнх хүүхэд сайн унтаж чаддаггүйгээс болж ааш зан тааруу, бие бялдар өлбөгөр сул болж байгааг шинэ судалгаа харуулав. Түүнээс гадна нойр алдсан нэлээд олон хүүхдэд амиа хорлох бодол төрдөг болохыг судалгаа тогтоожээ. Хүүхэд хоногт 8 цагаас доошгүй хугацаанд унтаж амрах хэрэгтэй байдаг.
Нойр сэвэлзэх үед яах вэ?
Хамгийн хурдан унтах аргыг хэлж өгье. Амьсгалаа хянах дасгал юм. Амьсгалын урсгал гадагшилж байна, одоо амьсгаа авч байна. Хамраар ороод уушгинд орлоо. Одоо хамраар гадагшиллаа гэх мэтээр амьсгалаа хянана. 1-2 минутад унтах болно. Өөр юм бодохгүй байх хэрэгтэй.
Зөгийн бал нойронд сайн
Шөнө нойр хүрэхгүй байх юмуу, унтсан ч амархан сэрээд удтал сэрүүн хэвтээд байвал зөгийн бал хэрэглэ гэж орос сэтгүүлд бичжээ. Өдөр бүр оройн хоолны дараа хоолны нэг халбага зөгийн бал идэх ёстой гэнэ. Хэд хоногийн дараа дэрэн дэр толгой тавимагц сүхээр цохисон ч сэрэхгүй бөх унтдаг болох ажээ.
Би нэг удаа Шаамарын зөгийн бал ихээр авсан юмдаг. Түүнээсээ 2-3 халбага бал идээд хэвтэж байтал өдрөөр нам унтсан байв. Зөгийн балны унтуулах нөлөөг тэгэж сайн мэдсэн билээ.
Эх сурвалж: “Эрүүл урт наслах алтан судар” ном
