Өмнөговь аймаг дахь Бортээгийн ордыг УИХ-ын дарга Д.Амарбаясгалан эзэмшиж, нүүрс олборлож байна гэсэн мэдээлэл хөвөрч байгаа энэ цаг үед Эрдэнэс тавантолгой ХК-ийн Уул уурхай технологийн газрын дарга Ч.Алтанбагана тус ордын тусгай зөвшөөрлийн талаар мэдээлэл өгөв. Тэрбээр, Эрдэнэс Тавантолгой ХХК-аас 2021 онд нээлттэй тендер зарлаж 2021 оны арваннэгдүгээр сарын 17-нд МТАС түншлэл гэдэг компанитай 36 сарын гэрээ байгуулсан ч улс төржилтөөс шалтгаалж 2024 оны нэгдүгээрсарын 16-нд уг гэрээг цуцлах УИХ-ын тогтоол гарсан. Тус түншлэлийн Админерал компанид зөвхөн үйлдвэр барих 35 га газрыг таван жилийн хугацаатай ашиглах зөвшөөрөл олгосон ч удалгүй цуцлагдсан. Энэ гэрээний хугацаанд нэг ч тонн нүүрс олборлох ажил хийгдээгүй байгаа бөгөөд 2025 оны нэгдүгээрсард МТАС түншлэлд гэрээ цуцлах мэдэгдлийг хүргүүлж, гэрээний харилцаа бүрэн дууссан гэв.
MTAC түншлэл гэдэг нь дөрвөн компанийн нэгдэл бөгөөд нүүрс олборлолтын “Монголиан контракт майнинг сейрвис” ХХК, нүүрс олборлолтын “Таван хур” ХХК, хуурай аргаар нүүрс баяжуулах “Админерал” ХХК, өрөмдлөгө тэсэлгээний “Спейшлмайнинг сервис” ХХК зэрэг дөрвөн компани багтдаг ажээ. Өөрөөр хэлбэл Бортээгийн ордод ямар ч компани үйл ажиллагаа явуулж эхлээгүй бөгөөд нэг тонн нүүрс олборлоогүй гэжээ. Бортээгийн орд одоог хүртэл ЭТТ мэдэлд хэвээр байгаа. Өмнө нь хэн нэгэнд шилжүүлээгүй гэдэг нь нотолгоотой гэдгийг тодотгов. 44 их наяд төгрөгтэй тэнцэх хэмжээний нүүрс хулгайлсан гэж багцаагүй тоо хэлж, төрийн хариуцлагатай албан тушаалтнуудыг харлуулан гүтгэж байгаа. Харин бодит байдал дээр Бортээгийн ордод одоо ч өмнө нь ч олборлолт хийгээгүй. Нэг шанага нүүрс ч олборлоогүй. Мөн бодит байдал дээр Бортээгийн бүх нүүрсийг шавхаад ч ийм их хэмжээний мөнгө хүрэхгүй. Харьцуулбал энэ нь Монгол Улсын 10 жилийн төсөвтэй тэнцэнэ. Овор хэмжээгээр харьцуулбал Монгол мөнгөөр 20 мянгатын дэвсгэртээр 3600 портер ачаа болно. Гэтэл Бортээгийн гэрээ нь дан ганц Админералд холбогдох гэрээ биш. МТАС нэртэй дөрвөн компанийн түншлэл. Админерал бол олборлолт явуулахгүй зөвхөн нүүрс баяжуулах үүрэгтэй үйлдвэр байсан. Нэг тонн нүүрсийг гурвандоллараар угаах гэрээтэй. Нүүрс угаасан төлбөрөө мөнгөөр болон нүүрсээр авах нөхцөлтэй гэж тайлбарлаж байна. Улс төржилтөөс болж Бортээгийн гэрээг цуцлах шийдвэрийг Засгийн газраасөнгөрсөн дөрөвдүгээр сард гаргасан бөгөөд Нүүрс угаах үйлдвэр ажиллаж эхлэхээсээ өмнө хаагдсан. Мөн Админерал ХХК ЭТТ, Бортээгийн ордод 35 га газар олгосон мэдээллийн хариуд Эрдэнэс тавантолгой ХХК-ийн Уул уурхай технологийн газрын дарга Ч.Алтанбагана “ЭТТ ХХК-тай байгуулсан гэрээний хүрээнд Үйлдвэрлэлийн барилга барих, нүүрс ачих буулгах талбай байгуулах зорилгоор 35га газрыг таван жилийн хугацаанд олгосон. Улс төржилтөөс болж газрын буцаан улсын мэдэлд хурааж авсан” гэж тайлбарлав. Мөн 30 сая ам.долларын авилгал авсан гэх худал мэдээллийг Админералийн нүүрс баяжуулах үйлдвэр нийт 50 сая ам долларын өртгөөр боссон ба Хятад хөрөнгө оруулагчийн талаас 30 сая ам.долларын барилгын бараа материал, үйлдвэрлэлийн тоног төхөөрөмж, мөнгөн гүйлгээ хэлбэрүүдээр хөрөнгө оруулсан. Хятад, Монгол талаас санхүүгийн ажилтнууд тооцоо нийлж үйлдсэн санхүүгийг актыг улс төрийн зорилгоор 30 сая долларын авилгал гэж гүтгэсэнийг дараах баримтууд гэрчилнэ гэлээ.
