Нийслэлийн гэмт хэргээс урьдчилан сэргийлэх ажлыг зохицуулах салбар зөвлөл ЦЕГ-ын Хар тамхитай тэмцэх газартай хамтран “Сентир Глобал” байгууллагын мэргэжилтнүүдийг урьж, гэмт хэрэгтэй тэмцэх чиг үүрэг бүхий байгууллагуудын алба хаагчдыг чадавхжуулах сургалтыг амжилттай зохион байгууллаа. Энэхүү сургалтын агуулга нь хүний зан үйл, биеийн хэлэмжийг уншиж сурснаас аюул заналхийллийг таних, урьдчилан сэргийлэхэд чиглэсэн бөгөөд нийт 5 өдрийн турш үргэлжилсэн юм.
Сургалтын хаалтын үер ЦЕГ-ын Хар тамхитай тэмцэх газрын дарга Ц.Сандагсүрэн “Хувь алба хаагчийн мэдлэг, ур чадвар дээшлэх нь хар тамхины хууль бус эргэлттэй тэмцэхэд эерэг үр дүн авчирдаг. АНУ-аас туршлагатай багш нар ирж, манай алба хаагчдыг нарийн техник, ур чадварт сургасанд баяртай байна” хэмээн онцоллоо.
