Та хүүхдийнхээ анхны туслагч, дэмжигч, хамтрагч”…
Таны бяцхан хүү, охин цэцэрлэгт өглөө хүргэж өгөхөд уйлах нь өдөржин таны чихэнд сонсогдож, таны санааг чилээж, маргааш өглөө нь цэцэрлэгтээ явахгүй гэж зөрүүдэлж байна уу?
Цэцэрлэгт явж эхлэх нь таны хүүхдийн амьдралын чухал үе шатын нэг юм.
Танд болон таны хүүхдэд шинэ сорилт, туршлага, боломж байдаг.
Цэцэрлэгт хамрагдсан хүүхдийн зан байдал, нийгэм сэтгэл хөдлөлийн хөгжил нь цэцэрлэгт хамрагдаагүй хүүхдээс илүү, суралцахуйд суралцсан, бие дааж хамтран оролцсон, сургуульд амжилттай бэлтгэгддэг нь судалгаанаас харагдаж байна.
Хүүхэд шинэ орчноос айх, уйлах нь эрүүл хүүхдийн сэтгэхүйн нэг илрэл юм. Шинэ орчинд дасан зохицоход дунджаар 14-28 хоног шаардагддаг гэж үздэг. Зарим хүүхдэд хэдэн сар хэрэгтэй ч байж болно.
Та бүхэн дараах зөвлөмжийг дагаарай…
Өглөөг тайвнаар эхлүүлээрэй.
“Хамгийн эхний арга бол хүүхдэд хангалттай нойр авах боломж олгох явдал юм. Цэцэрлэгийн насны хүүхэд дунджаар 10 цаг унтаж байж сайн амардаг тул орой бүр 21:00 цагт унтуулж хэвшүүлээрэй.”
Цэцэрлэгтээ очих замыг нь хөгжилтэйгөөр өнгөрүүлээрэй.
“Бяцхан хүүхэдтэйгээ явах замдаа дуртай дууг нь хамт дуулж, сонирхдог сэдвийнх нь талаар ярилцах нь цэцэрлэгт явах айдсыг нь багасгахад тусална”.
Өнөөдрийн тулгарч буй асуудал нь түр зуурынх бөгөөд эцэг эх, асран хамгаалагч хүүхэдтэйгээ хам
