Нийгмийн даатгалын байгууллагын болон сангийн 2024 оны санхүү, төсвийн гүйцэтгэлийн тайлангийн аудитын дүгнэлт, төрийн өмчийн эд хөрөнгийн эзэмшилт, ашиглалт, хадгалалт хамгаалалт, захиран зарцуулалтын үйл ажиллагаанд Нийгмийн даатгалын газруудад хэсэгчлэн хийсэн шалгалтын дүн, түүний мөрөөр хийж хэрэгжүүлэх арга хэмжээ, цаашид анхаарах асуудлын талаар Үндэсний аудитын газрын Санхүү, нийцлийн газар, Төрийн өмчийн бодлого зохицуулалтын газартай хамтран сургалт зохион байгуулав.
Сургалтад Нийгмийн даатгалын 34 байгууллагын төсвийн захирагч, ахлах нягтлан бодогч, Өмч хамгаалах байнгын зөвлөлийн дарга, гишүүд нийт 165 албан хаагчид сургалтад танхимаар болон цахимаар оролцлоо.
Төрийн өмчийн бодлого, зохицуулалтын газрын Төрийн өмчийн бүртгэл, ашиглалтын хэлтсийн ахлах мэргэжилтэн Д.Батболд, мэргэжилтэн Л.Гэрэлмаа, Үндэсний аудитын газрын Санхүү, нийцлийн газрын аудитын менежер А.Цогбаяр, ахлах аудитор Б.Ариунжаргал, аудитор Г.Өсөхжаргал нар аудит болон шалгалтаар илэрсэн зөрчил, дутагдлыг арилгах арга зүйн зааварчилгаа өглөө.
Нийтэлсэн:Нийгмийн даатгалын ерөнхий газар
