МАК компани БНХАУ-ын Huawei компанитай хамтран нарны цахилгаан станц байгуулахаар болжээ. Түлхүүр гардуулах нөхцөлтэй байгуулагдсан уг гэрээний хүрээнд Төв, Дорноговь, Дундговь аймагт байрлах МАК-ийн үйлдвэр, уурхайд 40МВт-ын нарны цахилгаан станц болон 90МВт-ын цэнэг хураагуур байгуулагдаж эрчим хүчний хэрэглээгээ сэргээгдэх эрчим хүчээр шийдэхээр болж байна.
Ингэснээр жил бүр 70ГВт.ц ногоон эрчим хүч үйлдвэрлэн 55 мян.тн буюу 2.5 сая модтой тэнцүү хэмжээний хүлэмжийн хийн ялгарлыг бууруулах юм байна.
2023 оны байдлаар хувийн хэвшлийн нар, салхины эрчим хүчний эх үүсвэрүүд Монгол Улсын төвийн бүсийн нэгдсэн сүлжээний нийт суурилагдсан хүчин чадлын 18 хувийг, үйлдвэрлэлийн 8.8 хувийг бүрдүүлж байна.
