Нийслэлийн Засаг дарга бөгөөд Улаанбаатар хотын захирагч Х.Нямбаатар: Найрамдлын авто замын засвар шинэчлэлтийн ажлын хүрээнд Орбит-Тахилтын уулзвараас Найрамдал зуслан хүртэлх 12 км авто зам болон гэрэлтүүлэг, зуслан доторх 4 км авто замыг шинэчлэхээр төлөвлөсөн. Зуслан доторх 4 км авто зам, Найрамдал зуслангаас МТ колонк хүртэлх 9 км авто замын суурийг цементээр бэхжүүлж асфальтбетоноор хучаад байна. Үлдсэн 3 км авто замыг улсын баяр наадмаас өмнө ашиглалтад оруулна.
Ташрамд, олон жил засаж шинэчлээгүй авто замуудыг өнгөрсөн жилээс иж бүрэн засаж эхэлсэн. Энэ жил зам засвар шинэчлэлтийг дэвшилт технологиор хийж байна. 1-2 зуны бороонд урсчихгүй, автобусны жин даахгүй хотойж гүдийхгүй полимер битум ашиглаж байгаа.
