Нийгмийн даатгалын ерөнхий газар нь нийгмийн даатгалын хууль тогтоомжийг ажил олгогч, даатгуулагч, олон нийтэд таниулах, мэдээллээр хангах зорилгоор эмнэлгийн эмч, сувилагч, ажилтнуудад Нийгмийн даатгалын багц хуулийн сургалтыг зохион байгуулж байна.
Энэхүү арга хэмжээний хүрээнд “Арьсны өвчин судлалын үндэсний төв“-ийн эмч, сувилагч, ажилтнуудад 2025 оны 06 дугаар сарын 06-ны өдөр “Нийгмийн даатгалын багц хууль”-ийн талаарх сургалтыг зохион байгуулав.
Сургалтаар Нийгмийн даатгалын ерөнхий хууль, Нийгмийн даатгалын сангаас олгох тэтгэврийн, Нийгмийн даатгалын сангаас олгох тэтгэмжийн, Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулиудыг танилцуулан, эмч, сувилагч, ажилтнуудын тавьсан нийгмийн даатгалын талаарх асуултад хариулт өгч ажиллав.
Нийгмийн даатгалын хууль, тогтоомжийг олон нийтэд сурталчлан таниулахад хамтран ажилласан Арьсны өвчин судлалын үндэсний төвийн хамт олонд талархал илэрхийлье.
