2025 оны зургаадугаар сарын 1-ний Хүүхдийн баярт зориулсан олон төрлийн арга хэмжээ Улаанбаатар хотын төв болон дүүргүүдийн хэмжээнд зохион байгуулагдахаар болжээ.
“Монгол хүүхдүүд 2025” төв талбайд
Төв талбайд 10:30 цагаас эхлэх энэхүү үндэсний хэмжээний арга хэмжээнд 150 орчим үлгэрийн баатрууд оролцох “Magic Dream” парад, урлагийн тоглолтууд, хүүхдийн флашмоб болон баярын нээлт багтсан байна.
“Харри Поттер ба Гэрэл Сорогчид” хүүхдийн жүжиг
“Цоглог энтертайнмент”-аас “Харри Поттер ба Гэрэл Сорогчид” хүүхдийн жүжиг тоглоно. Ирсэн хүүхэд бүрд Харри Поттерийн шидэт саваа бэлэглэнэ.
Тасалбарын үнэ: 45.000₮
Үргэлжлэх хугацаа: 90 Минут
Насны ангилал: 6+
“Монгол хүү” баяр – Хүй долоон худаг
Үндэсний баяр наадмын өнгө аяс бүхий уг арга хэмжээ Хүй долоон худагт 09:30 цагаас эхэлж, үндэсний бөх, сур, шагай, морь унах, дугуйн болон гүйлтийн тэмцээнүүд зохион байгуулагдана.
“Миний дүү динозавр” жүжиг
Тусгаар тогтнолын ордонд 13:00, 15:00 цагт жүжигчин залуус оролцсон адал явдалт жүжиг тоглогдоно.
