Өнгөрөгч амралтын өдрүүдэд Монгол Улс сагсан бөмбөгийн халуун уур амьсгалд бүрэн автлаа. Эмэгтэйчүүдийн 5х5 төрлийн шигшээ баг Азийн аварга шалгаруулах тэмцээний урьдчилсан шатанд эх орондоо нэр төртэй өрсөлдсөн бол нэгэн зэрэг 3х3 төрлийн олон улсын тэмцээн ч мөн амжилттай болж өндөрлөв.
“FIBA 3×3 Ulaanbaatar Super Quest 2025” хоёр өдрийн турш Улаанбаатарт үргэлжилж, шинэхэн бүрэлдэхүүнтэй “Ulaanbaatar West” баг аваргын титмийг хүртлээ. Финалын тоглолтод тэд хүчтэй өрсөлдөгч “Bayankhairkhan Mig” багтай 21:21 харьцаагаар тун ч ширүүн тулаан хийж, дүрмийн дагуу түрүүлсэн юм.
“Ulaanbaatar West” баг FIBA 3×3 Chengdu World Tour 2025-ийн үндсэн шатанд оролцох эрхээ авлаа.
“Bayankhairkhan Mig” баг урьдчилсан шатнаас өрсөлдөхөөр боллоо.
Монголын Сагсан Бөмбөгийн Холбоо олон улсын стандартын дагуу, олимпийн наадмаас бусад дээд зэрэглэлийн тэмцээнийг эх орондоо зохион байгуулж чаддаг улс хэмээн FIBA-аас үнэлэгдэж байна. Энэ бол Монгол сагсан бөмбөгийн хөгжил шинэ түвшинд гарсны тод жишээ юм.
