АНУ-ын засгийн газрын цорын ганц сошиал хаяггүй салбар буюу дээд шүүх нь ирэх нэгдүгээр сарын 17-ны өдөр тус улсын хамгийн алдартай аппликейшнүүдийн нэг болох ТикТок-ийн хувь засаг дэнслэхээр болжээ. Үүний цаад шалтгаан нь ТикТок болон Хятадын харилцаа үндэсний аюулгүй байдалд заналхийлэх эрсдэлтэй гэсэн олон нийт болон удирдлагуудын хардлага аж.
Өнгөрөгч дөрөвдүгээр сард хоёр намын мөрийн хөтөлбөрт аль алинд дурдагдаж, дэмжигдсэн уг хориг батлагдах эсэхийг дээд шүүх ийнхүү хоёр цаг гаруй хэлэлцэх юм. Хэрэв дор хаяж таван шүүгч үүнийг баталвал ТикТок нэг бол шинэ эзэн олох эсвэл нэгдүгээр сарын 19-нээс эхлэн АНУ-д бүр мөсөн хаагдах шаардлагатай болно.
Ойролцоогоор 170 сая гаруй хэрэглэгчтэй ТикТок нь дээд шүүх буюу ихэнх ажил нь цаасан дээр хийгдэж, үндэсний аюулгүй байдлыг нэгт тавьдаг хуулийн байгууллагатай тэмцэж байна. Гэвч уг аппликейшнийг дэмжигчид иргэдийн үг хэлэх эрх чөлөө нь ямар ч гадны дайсны тухай “таамаг” хардалтаас илүү ач холбогдолтой гэжээ.
Эх сурвалж: https://edition.cnn.com/2025/01/09/politics/tiktok-supreme-court-what-to-watch/index.html
