Хууль зүйн байнгын хорооны хуралдаанаар Үндсэн хуулийн цэцийн дөрөвдүгээр дүгнэлт Татварын ерөнхий хуулийн зарим хэсэг, заалт Монгол Улсын Үндсэн хуулийг зөрчсөн эсэхийг хэлэлцлээ. Энэ үеэр УИХ-ын гишүүн Х.Тэмүүжин “Санхүү, татвартай холбоотой асуудал хуулийн хүрээнд шударга ёсны хэмжүүрээр хэмжихэд их зовлонтой болоод байна. Сангийн яамны амбиц гэх үү эсвэл Олон улсын байгууллагууд Монголоос ийм хувийн мэдээлэл нэхээд байдаг юм уу.
Тухайлбал, санхүүгийн тайлангаа өгөөгүй хуулийн этгээдийг улсын бүртгэлээс хасах заалтыг бүртгэлийн тухай хууль дээр Сангийн яамны хүсэлтээр оруулсан. Хуулийн этгээдийг дампууруулж болно, хуулийн этгээдийн бүртгэлээс захиргааны аргаар хасах ямар ч боломж байх ёсгүй” гэв.
