Өнгөрөгч мягмар гарагийн өглөөний есөн цагт Төвдийн алслагдсан бүс нутагт 7.1 магнитудын хүчтэй газар хөдлөлт болжээ. Энэ нь хөрш Балба болон Энэтхэгийн хойд хэсэг хүртэл тархснаар дор хаяж 95 хүн амиа алдсан харамсалтай явдал болоод байна.
АНУ-ын Геологийн Судалгааны Хүрээлэнгийн мэдээлж байгаагаар уг газар хөдлөлт нь 10 км хүртэл гүнд болж, ардаасаа хэд хэдэн хүнд чичирхийллийг дагуулжээ.
Тектоник хөдөлгөөнөөс үүдэлтэй хүч Гималайн алслагдсан тосгоны байшингуудыг бүхэлд нь нурааж, ойролцоох Төвдийн ариун хотыг донсолгосноор барахгүй Эверестийн суурь бааз дахь зочдыг шуугиулсан аж.
Газар хөдлөлт нь Балбын нийслэл Катманду хүртэл мэдрэгдсэн байна. “Үнэхээр хүчтэй байсан. Хүмүүс гэрээсээ гарч гүйлдэн, гадаах цахилгааны утаснууд шонгоосоо суларч байсан” хэмээн Катманду дахь Балбын Гамшгаас хамгаалах төвийн ажилтан Бишал Нат Упрети хэлэв.
Эх сурвалж: https://edition.cnn.com/2025/01/06/china/china-tibet-earthquake-intl-hnk/index.html
