Сөүл дэх гэрлээгүй эрэгтэй, эмэгтэй хүмүүсийг ирэх онд төрөлт буурахтай тэмцэх хотын засгийн газрын төлөвлөгөөний хүрээнд төрөлтийн шинжилгээнд хамруулахаар болжээ.
Сөүл хотын захиргаанаас ням гарагт мэдээлснээр, ирэх жилээс эхлэн Сөүл хотод амьдардаг 25-49 насны эрэгтэй, эмэгтэй хүмүүсийг төрөлтийн шинжилгээнд хамруулах бөгөөд зардлыг тус хотын төсвөөс хариуцна гэв.
Эмэгтэйчүүд өндгөвчний үйл ажиллагааны шинжилгээ (AMH) болон хэт авиан шинжилгээнд хамрагдах боломжтой бөгөөд энэ нь 130,000 вон ($94) хүртэл байдаг аж. Эрэгтэйчүүдэд 50,000 хүртэл вон өгөх аж.
Хотын зүгээс гэр бүлтэй хүмүүс, гэр бүл болох хосууд болон гэрлэх гэж буй хосуудад ийм дэмжлэг үзүүлж ирсэн ч тус хотоос уг хөтөлбөрийн зорилтоо улам өргөжүүлэхээр болжээ.
Энэхүү арга хэмжээ нь жирэмслэлт, төрөлтөд саад учруулж болзошгүй эрүүл мэндийн эрсдэлт хүчин зүйлийг урьдчилан олж илрүүлэх мөн төрөлтийн индексийг нэмэгдүүлэх, жирэмслэлтийг яаралтай төлөвлөөгүй хүмүүсийг урамшуулахад тусална гэсэн дүгнэлтэд үндэслэсэн болно.
Хотын захиргаа ирэх оны төсвөөс 3,52 тэрбум воныг зориулах юм. Тусламж авах хүсэлтэй хүмүүс эрүүл мэндийн төвийн цахим хуудас болон биечлэн очиж шинжилгээний хүсэлтийн маягтыг авч, төрөлт, урологи, эх барих, эмэгтэйчүүдийн чиглэлээр мэргэшсэн эмнэлэгт шинжилгээ өгөх боломжтой.
“Хэдийгээр эрэгтэй, эмэгтэй хүмүүсийн жирэмслэлтийн өмнөх эрүүл мэндийг зохицуулах шаардлага нэмэгдсэн ч Солонгос улс жирэмсний өмнөх бэлтгэлийг төдийлөн дэмждэггүй” гэж Сөүл хотын албанаас мэдээлжээ.
KoreaTimes