УИХ-ын чуулганы хуралдаанаар Монгол Улсын 2025 оны төсвийн тухай хуулийн төсөлтэй хамт өргөн мэдүүлсэн Хууль, тогтоолын төслүүдийн хэлэлцэх эсэхийг дэмжлээ.
УИХ-ын гишүүн Г.Лувсанжамц Бүсчилсэн хөгжлийн татварын бодлогыг ялгаатай тогтоох нь олон талын ач холбогдолтой гэв. Мөн УИХ-ын гишүүн О.Номинчимэг Гаалийн татварын хувьд боловсруулалтын үйлдвэрлэлийг тодорхой тусгаж өгөх ёстой гэдгийг хэлсэн бол УИХ-ын гишүүн Б.Энхбаяр Боловсруулах үйлдвэрлэлийн татварын бодлого ерөнхий байх нь олон талын эрсдэл бий болохыг анхааруулж санал хэллээ. УИХ-ын гишүүн С.Эрдэнэбат татварын хөнгөлөлтийн хувьд алслагдмал орон нутагт эрүүл мэндийн оношлогооны тоног төхөөрөмжийг оруулах нь ач холбогдол өндөр гэдгийг тодруулж асуув. УИХ-ын гишүүн М.Бадамсүрэн орон сууцны үнэ өндөр байгаа шалтгааныг тодорхой болгохгүй бол төрийн албан хаагчид орон сууцтай болоход өртөг өндөр байгааг хэллээ.
Хоёрдугаарт Засгийн газраас өргөн мэдүүлсэн Цөмийн энергийн тухай хуульд нэмэлт, өөрчлөлт оруулах тухай хуулийн төслийн хэлэлцэх эсэхийг чуулганы хуралдаанд оролцсон гишүүдийн 61 хувь нь дэмжлээ.
