Хэрэв та загварт дуртай, энэ талын зүйлсийг сонирхдог бол анхаарлаа нааш хандуулаарай. Эдгээр кинонууд таны загварын талаарх мэдлэгийг дээшлүүлээд зогсохгүй, урам зориг өгнө гэдэгт итгэлтэй байна.
1.Coco Before Chanel [2009]
Коко Шанель өдөр нь оёдолчин, шөнө нь кабаре үзүүлэгчээр ажилладаг ба чинээлэг өв залгамжлагч Бенойт Поэлвурдетэй уулзаж, түүний загварын зөвлөх болдог. Шанель тэр үеийн бүсгүйчүүдийн хувцасны онцлог шинж чанар болох бариу корсет, даавуун материалаас залхсан тул хувцасны загварт хувьсал хийнэ…
2.The Devil Wears Prada [2006]
Энэхүү алдартай кинонд “Runway” сэтгүүлийн ерөнхий редактор Миранда Пристлигийн (Мерил Стрип) туслахаар ажилд орсон, коллежоо төгсөөд удаагүй Энди Сакс (Анне Хэтэуэй)-ийн түүхийг өгүүлдэг. Загвар сонирхдоггүй ч Энди боломжоо ашиглаж, чадах чинээгээрээ суралцахыг хичээдэнэ…
3.Yves Saint Laurent [2014]
Ив Сен Лаурон гэж үйлийн үртэй мэт сайн хань, хамтрагч залуугийнхаа хүчинд өөрийн загварын ордонг босгоно. Хар тамхи, элдэв явдалд орооцолдоно. Хайртай залуугаа гомдооно. Тэр нь бүр нэг ноомой эхнэр шиг, олон удаа тэснэ.
4.The First Monday in May [2016]
Метрополитан урлагийн музейд жил бүр зохион байгуулагддаг фэшн үзэсгэлэнгийн тухай энэ кинонд гарна.
5.Dior and I [2014]
Энэхүү баримтат киноноос та Кристиан Диорын загварын ордны шинэ бүтээлч найруулагч Раф Симонсын удирдаж буйг харах болно. Энэ кинонд Бельги залуу Раф Симонс 2012 онд Диор загварын ордонд ирж, анхны цуглуулгаа танилцуулах гэж буй тухай өгүүлнэ. От кутюр цуглуулга бэлэн болгоход уг нь дөрвөн сар хэрэгтэй байдаг бол Раф Симонст наймхан долоо хоногийн хугацаа байгаа.
