2NE1 К-Поп сүүлийн арав гаруй жилийн хугацаанд уран бүтээлээсээ хөндийрсөн. Тэвэл энэ онд эргэн ирэлтээ зарлаж анхны бүрэн хэмжээний тоглолтоо хийж хөгжмийн ертөнц дэх домогт байр сууриа дахин бататгалаа.
2009 онд уран бүтээлээ эхлүүлсэн дөрвөн гишүүн хамтлагаараа өнгөрсөн гурван хоногт “2024 2NE1 Concert ‘Welcome Back’ in Seoul” тоглолтоо хийлээ.
Арван жил зургаан сар завсарласны дараа эргэн ирснээ тэмдэглэх уг тоглолтын гурван өдрийн тасалбар худалдаанд гарсан даруйдаа зарагдаж дууссан юм.
Тоглолтын турш 2NE1-ийн үнэнч шүтэн бишрэгчид болох BLACKJACK-ууд 15 жилийн карьертай нь хамт гэдгээ илэрхийлж хар өнгийн хувцсаар жигдэрсэн байна.
Тоглолтыг "Come Back Home", "FIRE," "Clap Your Hands" and "Can't Nobody" дуунуудын ремиксээр эхлүүлсэн бөгөөд улаан өнгийн гэрлийн шоу үзэгчдийг огшоосон гэж онцолж байна.
Тэд дуу бүрээ амьдаар эгшиглүүлсэн ба гар микрофон ашигласан нь давуу талаа алдаагүй гэдгээ нотолсон. Нээлтийн тоглолтын дараа 2NE1-ийг эргэн ирсэнд нь баяр хүргэсэн бичлэгүүд ирсэн. Үүнд дууучин IU болон NewJeans, IVE, TWICE, BABYMONSTER, Аespa, Stray Kids, BOYNEXTDOOR, TREASURE хамтлаг дуучид бичлэг илгээж 2NE1 хамтлагийг биширдэг гэдгээ илэрхийлцгээжээ.
Мөн YG Entertainment-ын гэр бүлийн гишүүн G-Dragon, Америкийн поп од Фаррелл Уильямс нар хүртэл баяр хүргэсэн нь үзэгчдийг гайхшруулсан юм.
