Шаргал намартай ирэхтэй зэрэгцэн зохиогддог “Намрын ногоон өдрүүд-2024” үзэсгэлэн худалдаа 19дэх жилдээ зохион байгуулагдаж байна. Төв цэнгэлдэх хүрээлэн”-гийн гадна талбайд гурав дахь өдрөө үргэлжилж буй тус үзэсгэлэн дээр очиход аргагүй л ургацын баяр гэмээр олон төрлийн жимс ногоо өнгө өнгөөр алаглаж, түм түчигнэж, бум бужигнаж байлаа.
Монголын өнцөг, булан бүрээс ирсэн тариаланчид хамгийн шилдэг сортын бүтээгдэхүүнээ хэрэглэгчдийн гарт шууд нийлүүлж байгаагаараа онцлог бөгөөд энэ жилийн ургац арвин их байсныг эл үзэсгэлэнгээс харж болно. Үүнтэй холбогдуулан үнийн дүнгийн хувьд боломжийн байгаа учраас урд урдын жилүүдээс борлуулалт сайн байгааг худалдаа эрхлэгчид хэлж байв. Нэмээд үндэсний үйлдвэрлэгч компаниуд болон жижиг дунд үйлдвэрлэлийн бизнес эрхлэгчдийн шилдэг, нэрийн бүтээгдэхүүн өрөгдсөн нь талбайг бүр ч их чимжээ.
Уг үзэсгэлэн худалдаа нийслэлийн хэмжээнд есөн дүүрэг 21 цэгт зохион байгуулагдаж байгаа тул иргэд та бүхэн өөрт ойр байрлах цэгээс шинэ ургацын жимс, хүнсний ногоог авах боломжтой юм. Мөн тараг, айраг сүү цагаан идээ, даршилсан бүтээгдэхүүн,мах махан бүтээгдэхүүн,үндэсний үйлдвэрлэгчдийн сэтгэлээ шингээн урласан бүтээгтэхүүн зэргээс та сонгон авч үндэсний үйлдвэрлэлээ дэмжээрэй
2024 оны есдүгээр сарын 30 ны өдрийг хүртэл зохион байгуулагдах тус үзэсэгэлэнгээс 1кг
Төмс: 500-1800төгрөг
Лууван:1000-2400төгрөг
Байцаa:1500-1800 төгрөг
Сонгино:1500-3000төгрөг
Манжин:2300-3000 төгрөг
Хүрэн манжин:1500 төгрөг
Помидор: 8000 төгрөг
Өргөст хэмх: 6000 төгрөг
Чинжүү:12000-15000 төгрөг
Алим: 6000 төгрөг
Гүзээлзгэнэ: 20000-25000 төгрөг
аньс, нэрс, үхрийн нүд, чацаргана гэх мэт байгалийн зэрлэг жимснүүдийг 15000-2000 төгрөгөөр эх орны хөрсөнд урсанд ургасан шинэхэн ургацыг худалдалдан авч болох юм.
Нийтлэлийг бэлтгэсэн дадлагажигч: Ж.Дариймаа
